Gin testingan kun naga gana ang ini nga motor sang gen set nga gin bakal nanday Romeo Angay. Pagka andar, gin himus na para madala nila pauli.
Isa na ka semana nga wala sa gihapon sang supply ang kuryente sa ila lugar sa Barangay Atipuluan sa Bago City. Gani napilitan sila sang iya anak nga magpa Bacolod. Ika duha na ini nila nga balik kay naayawan sila sang pangita sang bakalakan. Puro sold out. Ang ila lang man nga kinahanglan, motor para sa gen set.
Diri sa may Rizal Street sa Bacolod naka kita sila sang ila kinahanglan.
Ang ini nga lalaki nga taga Barangay Granada sa Bacolod nag pamangkot man kun may gen set pa. Pero wala na gid sang may mahatag sa iya ang manug baligya. Ubos na tanan.
Sa ila kuno sa Barangay Granada may mga portion na nga may kuryente pero sa ila area wala sa gihapon.
Ang last three nga gen set sang sini nga baligyaan nabakal sang mga taga Guihulngan City, Negros Oriental pa.
Mga tatlo ka oras pa ang ila nga gin biyahe para maka pangita lang sang gen set kay wala naman sang baligya sa ila.
Mga apat man ka baligyaan ang ila nga gin libot tubtob maka kita sang unit. Wala man kuno sa gihapon sang power supply sa ila nga lugar.
May mga area pa sa gihapon sang Ceneco nga wala pa sang kuryente pero halos kadam-an nabalik na ang power supply. Ang NOCECO, yara na sa 55.6% sang ila substations nga na energize.
Ini ang naga tumod sa mga main highway sa area sang NOCECO.
Ang northen Negros sa idalom sang NONECO ang 100 percent energized na.