Ini base sa monitoring sang Bacolod City Police Office.
Ginsiling ni BCPO spokesperson Police Captain Dax Santillan nga wala sila sang may na monitor nga mga gasolinahan sa siudad nga nagalapaw sa price range nga ginpatuman sang Department of Energy.
Dugang pa niya, ila man nga hugot nga ginabantayan ang mga konsumedor agud malikawan ang pag-hauling sang produkto petrolyo.
Indi pwede suno sa PNP ang pag-hauling sang gatong bangud sa krisis sa karon nga gina-atubang sang pungsod.
Siling ni Santillan, natahap ang mga gasolinahan nga magpasobra sang presyo bangud sa padayon nga pagbantay sang kapulisan sa ila.
Madumduman nga una na nga ginsiling ni BCPO Director Colonel Eugene Rebadomia nga may isa ka gasolinahan sa Barangay Mansilingan sang nagligad nga semana ang una nga ginsaway sang kapulisan bangud sa overpricing. Gilayon naman ini nga ginbalik sang gasolinahan sa insakto nga presyo.
Panawagan naman sang PNP sa mga pumuloyo nga likawan ang panic buying bangud may nagakaigo nga supply ang mga gasolinahan.
[sibwp_form id=1]