Mga nagkalaguba nga kisame sang classrooms, desks, arm chairs kag lamesa ang nag sugata sa pagbalik sang mga manunudlo sa Lopez Jaena Elementary School sa Bacolod.
Ini makaligad man sang halos duha ka tuig nga gingamit ang buluthuan bilang isa sa mga school based quarantine facility sang siudad.
Suno sa school property custodian kag grade 6 adviser nga si giovannie genit amo sini ang naabtan nila pagbalik nila eskwelahan.
Kadam an sa mga pagkabutang sang eskwelahan kasubong sang mga libro kag bisan mga electric fan nga gingamit sa pasilidad ang indi naman mapuslan.
May mga puno pa sang kahoy nga nagkalatumba tuga sang Bagyo Odette ang wala mahimus.
Naghinyo ang eskwelahan sang bulig sa siudad sang gin turn over sang Emergency Operations Center ang school facility sa Department of Education duha ka semana ang nagligad.
Handa naman magbulig ang siudad suno may Councilor Renecito Novero, chairperson sang committee on education sang konseho.
Ginsiling man sang nangin chairman sang quarantine center action team nga pwede man mag submit sang letter of request ang mga eskwelahan nga gin himo nga quarantine facility nga may kasubong nga sitwasyon agud matagaan ini sang atensyon sang siudad.
Ugaling natungod sang ginapatuman nga election ban indi man mapat ud kun san o posible matigayon ang ginakinahanglan nga repair kag pagtalana sang pondo nga ibulig sa eskwelahan.
Gani sa karon sa mga pribado na lamang nga organization nagadangup ang mga manunudlo sang lopez jaena elementary school samtang ginahanda man ang mga classroom nga gamiton para sa natalana nga may elections kag sa pagbalik sang limited in person classes.