Mga furniture nga posible makumpiskar sa clearing operation sa Lopez Jaena sa Bacolod City ibaligya kun indi magawad sang tag-iya.
Kun basehan ang City Ordinance 1009 sarang ma confiscate sang katapo sang City Legal Office enforcement team ang mga furniture nga nagasablag sa dalan Lopez Jaena.
Suno kay City Legal Officer Atty. Romeo Carlos Ting, Jr., mapilitan sila nga ipatuman ang confiscation sa clearing operation nga ipatuman sa masunod nga semana bangud malawig naman nga masami gina display sang mga furniture shops ang ila mga produkto sa kilid sang dalan.
Kutob man sa indi magawad nga furniture sang mga tag iya ang ginaplano sang siudad nga ibaligya.
Magluwas sa mga furniture products, pag guyuron kag ipang impound man sang Bacolod Traffic Authority Office ang mga salakyan, tricycle kag ebike nga masami gina park sa kilid man sang Lopez Jaena Street ilabi na ang yara sa nasakpan sang Barangay 27.
Ang clearing operation kabahin sang tikang sang siudad agud mapahagan hagan ang ang pag gutok sang mga salakyan dungan sa pagbukas sang klase sang pampubliko bga buluthuan.