Pag pangabudlay sang mga frontliners nga nagserbe sa mga Negrense kasunod sang paglupok sang bulkan Kanlaon ang ginkilala sa Independence Day Celebration sang probinsya.
Sa speech ni Governor Eugenio Jose Lacson sa 127th Independence Day Celebration sa Kapitolyo Probinsyal ang mga frontliners nga nag responde kag padayon nga naga serbe sa mga pumuluyo sa tunga sang sitwasyon sang bulkan Kanlaon ang mga modern day heroes.
Isa na ka tuig humalin sang una nga naglupok ang Kanlaon sang 2024.
Ang kada pag saulog sang Independence Day suno kay Lacson pagdumdom sang sakripisyo sang mga baganihan nga naghalad sang ila nga kabuhi agudto ma angkon sang tagsa ka Pilipino ang kahilwayan.
Nagakaigo nga hatagan sang bili ang gina eksperiensya sa karon nga freedom and democracy.
Ginpatigayon ang flag raising sa Provincial Capitol Lagoon kaina sang aga kag ang programa naman sa Social Hall sang Provincial Capitol bangud man sang malain nga tiempo.
Gin-updan ang selebrasyon sang mga provincial local officials nag kalain lain nga ahensya sang gobyerno kag mga empleyado sang kapitolyo.