Sabado sang aga sang na rescue ang apat ka mga naga pabilin nga missing nga mga foreign trekkers sa in Sitio Hydro, Brgy. Silab, Amlan, Negros Oriental.
Ang Germans nga sanday Alwin Fink, 60 anyos kag Wolfgang Arthur Schlenker, 67 anyos, ang Russian nga si Anton Chernov, 38 anyos kag Canadian nga si Terry de Gunten, 50 anyos ang nagkalakit-an.
Una na nga na rescue ang duha nila ka mga kaupdanan Biyernes nga adlaw nga amo ang British nga si Alexander Radvanyi, 63 anyos kag German nga si Torsten Martin Groschupp, 50 anyos.
Ang anum ang nag-trekking Miyerkules sang aga halin sa Barangay Malabo, Valencia Negros Oriental sang maabtan sang mabunok nga ulan
Ang mga nag rescue gina tapuan sang army, PNP, BFP, kag rescuers.
Nag sipakanay ang grupo samtang naga padulong sila sa Balinsasayao Twin Lakes Natural Park.
Suno kay Lt. Col. Michael Aquino, commanding officer sang 11th Infantry Battalion sang Philippine Army, nakita ang apat mga isa ka kilometro gikan sa hydropower plant sa Barangay Silab 9:45 sang aga.
Ang Russian nga si Chernov ang kinahanglan pa nga ma karga sa stretcher bangud may mga sinyales na siya sang hypothermia kag naga sakit na ang iya nga mga tuhod.
Suno kay Aquino naka survive ang mga foreigners sa sulod sang tatlo ka adlaw nga gina kaon ang kun ano lang ang makita nila nga pwede makaon.
Matapos ma rescue gindala sila sa Negros Oriental Provincial Hospital sa Dumaguete City.
Suno sa army may kabudlayan sa pagpangita sa apat bangud sang kalapad sang Mt. Talinis mountain range nga naga sakop sang nagkalain-lain nga banwa.
GPS ukon global positioning system ang gingamit para ma locate sila kag base man sa mga litrato sang una nga na rescue nga duha nila ka mga kaupod.
Wala sang signal sa area gani ang hand held radio lang ang ila pamaagi nga maka kontakanay.