Nagligad lang nga Miyerkules sang nag ginuha ang mga ginkabig fake account nga naga gamit sang ngalan ni Mayor Albee Benitez sa social media.
Kaanggid sang official account sang alkalde ang fake account gani gilayon na ini nga gin-report sang Bacolod PIO sa Meta.
Indi lang ini ang una nga beses nga nag ginuha ang fake account gamit ang ngalan sang alkalde, amo nga iga-refer niya ini sa National Bureau of Investigation – Bacolod agud mapat-ud kun sin-o ang sa likod sang amo nga account.
Luyag sang alkalde nga mapaiway ang posible pagpaniplang gamit ang iya ngalan amo nga nanawagan siya sa mga netizens nga mangin maid-id sa pagpang usisa ilabi na batuk sa mga scammer agud indi mabiktima sa ano man nga sahi sang pagpaniplang.