Nagpauli na ang tanan nga evacuees sang siudad sang La Carlota sini nga hapon.
Suno kay La Carlota City Mayor, Rex Jalando-on ila na gintugutan ang pag pauli sang masobra sa 260 ka mga evacuees sang Barangay Ara-al, Haguimit kag Yubo kasunod man sang nabaton nila nga Bulletin gikan sa Philippine Institute of Volcanology and Seismology nga may pag hagan-hagan na sa activity sang bulkan.
Paathag ni Jalando-on sa ila nga assessment safe naman ang pagpapauli sa mga evacuees bangud ang mga na-record nga quakes, kasubong man ang gas nga na emit kag ang plume ang nagnubo na. Nagapabilin nga amo sa gihapon ang ground deformation.
“Safe naman to go home. Although alert level 2, nag decrease ang iban nga parameters. Ang quake nag decrease, ang ground deformation amo man gyapon siya, ang gases naton nag decrease man, ang plumes nga height nag decreae man so nag decide na lang kami pero alert man gyapon for anything”, suno kay Jalando-on.
Ginsiling man sang alkalde nga ang damlag pa problema sa source sang tubig sa siudad ang okay na. Matapos nga ma test ang tubig, ini ang potable na karon ukon safe na nga mainom.
Pero bisan pa may yara pa man sang water filtering tank ang Red Cross sa siudad kag may mga filters man nga pwede pa magamit enkaso.