Nagsugod na pinauli ang mga internally displaced persons sa Canlaon City subong nga adlaw kasunod sang pag nubo sa Alert Level 2 sang status sang bulkan Kanlaon.
Suno kay Mayor Jose Chubasco Cardenas ang ini nga adlaw kasubong sang 4th of July para sa mga evacuees matapos man ang halos walo ka bulan kag liwat sila nga nakapauli.
Suno sa alkalde, ginsugdan na kaina ang pag pauli sang mga pumuluyo gikan sa Brgy Masulog, Pula, Malaiba, Lumapaw kag parte sang Linothangan, nga naga puyo sakop sang 4.2 kilometers pasaka.
May 590 ka pamilya ukon masobra sa 1,400 ka indibidual ang maga pauli.
“Finally it is the fourth of July for them. We started to send home the residents of Brgy Masulog, Brgy Pula, Malaiba, Lumapaw and some parts of Linothangan”, suno kay Cardenas
Suno kay Cardenas magapabilin sa mga evacuation center ang 47 ka pamilya ukon 147 ka individuals nga naga puyo sakop sang 4 kilometer permanent danger zone.
May mga nag pabutyag man suno sa iya nga indi sila mag pauli balik sa ila nga puluy-an.
“Actually there are evacuees who do not want to go home, maybe they are now comfortble in their tents but we are really encouraging them to go back to their respective houses for them also to renovate their houses”, suno kay Cardenas.
Dala man sang epekto sang pag buga sang bulkan indi ma negar nga nag kalaguba ang mga atop sang ila nga balay.
Suno kay Cardenas sila ang nag pahibalo na sa Office of the Civil Defense sang pag decamp.
May resolution na damlag pa ang local DRRMC bahin sa pag tugot papauli sa mga IDP pero kay nag gwa na ang Alert Level 2 wala na nila ginsubmit sa Sangguniang Panlungsod bangud moot and academic na kay nag gwa na ang notice sa pag butang sa bulkan Kanlaon sa Alert Level 2.
Nagahinyo sang bulig ang Canlaon City sa national government sang 500 million pesos bahin sa housing kag iban nga facilities para sa tuyo nila nga itukod nga permanent evacuation center sang siudad sa Brgy Binalbagan nga sarang maka accommodate sang 2,400 families enkaso mag saka liwat sa Alert Level 3 ang bulkan kag para man sa iban nga sahi sang kalamidad.
May gina propose man sila sa Office of the Civil Defense nga permanent relocation site para sa 147 nga naga puyo sa 4 km danger zone.
Tigayon man naka hatag financial assistance ang LGU kag paagi man sa TUPAD, DSWD kag AKAP sa mga apektado.
