Sa San Carlos City, mga establisimiento nga naga serbe sang ilimnon ilakip na kape ang kinahanglan nga mag install sang transparent divider ukon barrier sa tunga sang tagsa ka customer.
Ini sandig sa executive order nga ginpapanaog ni San Carlos City Mayor Renato Gustilo.
Sa amo nga EO mandatory ang pag install sang mga transparent divider sa mga hotel, pension house, restaurant, restobar, coffee shop kag iban pa nga establisimiento nga naga tanyag sang mga ilimnon.
Ang required nga divider ang mangin subject sa evaluation sang authorized personnel sang City Health Office kag City Tourism Office kag approval naman sang City Mayor’s Office.
Suno kay Mayor Gustilo ang mando kasunod sang mga kaso sang local transmission nga ginreport suno sa iya. Indi malikawan suno sa iya nga samtang naga kaon ukon naga inom naga istorya gani indi malayo ang paglatnanay.