Kasunod man sang pag nubo sa Alert Level 2 sang Kanlaon, mga eskwelahan sakop sang 6kilometer danger zone ang maga bukas naman.
Samtang, mga internally displaced individuals sa banwa sang La Castellana bwas pa natalana nga mag pauli.
Ginsiling ni Regional Task Force Kanlaon head, Raul Fernandez nga ang walo ka mga eskwelahan sakop sang 6 kilometer extended danger zone ang maga bukas man.
Apat sa walo ang yara sa Canlaon City kag apat man ang yara sa La Castellana.
Sa idalom sang Alert Level 2 suno kay Fernandez ang ginadumilian man lamang nga wala sang human activity ang 4km permanent danger zone.
“(they will be allowed to reopen the schools sir?) yes. Pwede na sila mag open. Yun din ang tanong kahapon ng DepEd. Kasi under alert level 2 hanggang 4 km ang permanent danger zone so beyond that may activities yung mga tao”, suno kay Fernandez.
Sa pihak nga bahin gin hulat na lamang sang La Castellana ang Sangguniang Bayan resolution nga naga saad sang pagpapauli sang 471 ka pamilya ukon 1,586 ka individuals.
Suno kay John de Asis ang pamuno sang DRRMO bwas, Biyernes, nila gintalana ang pag papauli.
Maga pabilin ang 15 ka pamilya ukon 47 ka individuals nga naga puyo sa 4km permanent danger zone sa evacuation center.
Masobra na isa ka tuig nga ang mga natungdan naga tenir sa evacuation center.
May internal arrangement naman bahin sa mga yadtong nagub-an balay sakop sang 6km extended danger zone labi na kun wala na sila sang pulian.
“Tomorrow ang aton gin designate, August 1, after kagina nga session from the Municipal Council to be back home na long na ni nga Alert Level 2 na grant na gid, tungod sang PHIVOLCS bulletin”, suno kay de Asis.
Ang sa bahin sang La Carlota suno kay Mayor Jose Luis Jalandoni, maga sapol pa sila.
Wala pa sang pat-od nga petsa kun san-o mag puli ang evacuees labi na nga luyag man nila ma plastar ang tanan bangud indi ma negar nga may yara sang mga nagub-an na sang balay.
Mga masobra sa 200 ka pamilya ang gin evacuate sa La Carlota.
Ang sa Bago suno kay Fernandez may plano man ang papauli sa mga naga puyo sa Brgy Ilijan. Pero as of press time wala malambot ang DRRMO angut sa status sang evacuees.
