Pagpabaskog sang monitoring sa mga entry points sa Bacolod kag Negros Occidental, duha ka semana antes ang MassKara Celebration ang ipatuman.
Ini suno kay Provincial Health Officer Dr Ernell Tumimbang, nga nag paathag nga dapat mag pangaman sa gina lantaw pag sulod sang madamo nga bisita sa tion sang selebrasyon.
Suno kay Tumimbang, naga patuman na sang nagakaigo nga tikang ang Bacolod City base man sa ila nga pagsapol sa Bacolod City Health Office.
Sa karon suno kay Tumimbang gina hulat nila ang protocol nga ipa gwa sang mga partner agencies kasubong sang Civil Aviation Authority of the Philippine, Bureau of Quarantine kag Bureau of Immigration.
Ginalantaw nila ang pag pahamtang sang composite team nga maga monitor sa mga puerto kag airport.
“Two weeks before that (MassKara Celebration) we should I think strengthen our monitoring, particularly sa airport, sa seaport that means sa aton Bredco, kay may mga bisita ta nga maabot”, suno kay Tumimbang.
Kay may monitoring naman nga gina patuman tuga sang Covid-19 protocol, mas maid-id gid nga bantayan amo ang paghilanat.
Samtang, padayon ang coordination kag briefing sa mga katapo sang Health Emergency Network nga ginatapuan sang mga Disaster Teams kag iban pa gid nga mga health responders bahin sa updating angut sa monkeypox, Covid-19 kag bisan pa dengue.