Gin-hold-up ang salesman kag driver sang delivery van sang isa ka kompaniya sang sigarilyo sa Barangay Kansilayan, banwa sang Murcia sang kahapon sang aga.
Sa imbestigasyon sang Murcia PNP, yara lang sa tIyangge nga ila dul-ungan ang salesman upod sang driver sang van sang sila ang gin palapitan sang tatlo ka mga persona kag gintayaan sang armas.
Nakuha sa salesman ang 66,000 pesos nga cash collection lakip ang iya personal nga cash isa ka libo.
Nakuha man ang dashcam sa van kag isa ka printer. Gilayon nga nagpalagyo ang mga suspek nga suno sa pulis, amo man ang responsable sa pag pang holdup sa isa ka delivery van sang nag ligad nga semana.