Paagi sa ginadihon karon nga ordinansa ginapaabot ang pagpatuman sang mandatory random drug testing sa mga empleyado sang Bacolod city local government.
Ginalauman ni City administrator Boyet Maghari nga sa tion nga ma-aprobahan na sang konseho ang ginadihon nga Drug Free Workplace ordinance mangin mandatory ang pag-inspeksyon kag ang pagpatuman sang random drug testing para sa mga city hall employees.
Kabahin man ini sa pagpasiguro nga wala nagagamit sang iligal nga droga ang mga government employees sa Bacolod.
Kahapon isa man ka casual street sweeper sang Department of Public Services ang nadakpan sa joint buybust operation sang kapulisan sa Bacolod.
Suno kay Maghari, isa ka krimen ang pagbaligya sang iligal nga droga gani nagakaangay lang nga makakas sa serbisyo ang kasubong nga mga empleyado.
[sibwp_form id=1]