Nagpa gwa sang statement ang Negros Oriental Medical Society nga nagapanawagan sa Negros Oriental Provincial Government nga ipaidalom sa Enhanced Community Quarantine ang probinsya ukon i lockdown bangud sang pagsaka sang kaso sang COVID-19 kag pagkapuno sang mga ospital.
Sa pinaka ulihi nga bulletin sang provoncial IATF, tatlo sa lima ka major hospitals sa probinsya ang puno na kag ang duha gani sa diri ang naglapaw na sa full bed capacity.
Ginpanawagan man sang mga doktor nga untatan anay ang mga social gatherings kag ipatuman ang curfew antes pa mag collapse ang healthcare system sang probinsya.
709 ang total active cases sa Negros Oriental sa karon, pinakamataas humalin sa pag sugod sang pandemic.
Samtang, nagpanaog naman sa 1,428 ang active cases sa Negros Occidental bisan pa nadugangan sang 93 ka bag-o nga kaso kahapon.
Samtang may 86 naman ka dugang nga kaso sang COVID-19 ang Bacolod City nga karon may 1190 ka active cases.