Puno sang pasahero ang ini nga bus halin sang siudad sang bago nga ginbalabagan sang mga drayber sa corner sang Araneta kag Magsaysay kaina sang aga.
Nag ayo ang drayber sang bus amo nga napasugtan siya nga mag dul ong sang iya pasahero.
Magluwas sa iya nagpanginyawat man byahe ang mga tricycle ilabi na mga madamo sang mga pasahero ang nabihangan sa dalan kay wala sang masakyan.
Si JR nga empleyado sang isa ka hardware sa downtown inoras nga naghulat sa lopues east sa paglabay sang libre sakay sang Barangay Estefania.
Indi lang mga tricycle ang nagpangiyawat byahe. May mga taxi man nga nagpunsok sa North Terminal para makakuha pasahero. Ang mga bus sang Vallacar Transit Incorporated nagpadayon man sa pagbyahe.
Panawagan sang katapo sang group nga kuntani updan sila sang mga drayber pati na sang pumuluyo sa panawagan agud mapahagan hagan ang epekto sang pagsaka sang presyo sang petroleum products sa pungsod.
Ginakabig sang transport group nga malapit 100 percent nga na-paralyzed ang public transportation.
Bwas may rollback nga ipatuman sa mga gas station sa pungsod.
Dose pesos ang natalana ibuhin sa kada litro sang diesel kag sais pesos ang buhin sa presyo sang gasolina.
Gani magasapol man iwat ang transport group agud maistoryahan kun padayunon bwas ang naistoryahan nga pagpatuman sang duha ka adlaw nga pag untat byahe.