Kasunod sang 5.1 magnitude nga linog nga na-record sang Martes sang aga sa Sipalay City tension cracks kag hairline cracks ang na-report sa ginpatigayon nga damage assessment sang City Disaster Risk Reduction and Management Council.
Sa Gil Montilla National High School may mga tension cracks nga nakit-an. Nalakip sa recommendation amo ang pag pa iway sang pag gamit sang lima ka building sini until further notice. Ini ang gin butangan sang unsafe area sign.
For assessment naman ang iban nga mga hairline cracks nga gin report sa People’s Hall sang Brgy Mambaroto kag sa health center sini, kasubong man ang tension cracks sa Agripino Alvarez Elementary School.
Wala naman sang may gin-report nga iban pa nga damage.
Yara sa intensity 3 ang nabatyagan nga linog sa Sipalay City.
Tigayon nga gin pa gwa ang mga estudyante.
Sa Kabankalan City gin-evacuate man kahapon ang mga estudyante.
Suno kay Dionilo Bogtae ang DRRM Coordinator sang Sipalay City may pag pangusisa man nga gin patigayon sa mga taytay kag puerto.
Maga coordinate sila sa DPWH sa pag assess sang structural integrity sang mga building labi na ang sa mga eskwelahan.
“Ang isa sa gina ano namon ma request sa DPWH to assess the integrity sang aton nga mga building labi na gid ang aton nga mga school building”, suno kay Bogtae.
Samtang, naga panawagan naman si Gobernador Eugenio Jose Lacson sang pag pangamuyo nga mapaiway na ang pag luntad sang linog sang probinsya ukon sa diin man nga bahin sang kalibutan.
Iya man gin pangabay nga ilakip sa pag ampo ang recovery sang mga apektado sang linog sa Cebu.