Ginapanindugan sang siudad nga ang pagpasira sang mga business establishment sa Bacolod ang nag-agi sa due process.
Ginsiling ni Bacolod City Mayor Greg Gasataya nga antes ipasira ang isa ka baligyaan, nagahatag sila anay sang notisya.
Ini matapos nga madamo sang mga alegasyon ang nagalapta online batuk sa siudad tuhoy sa pagpasira sang mga establisimiento.
Sa first notice, ginahatagan sang siudad sang tatlo ka adlaw ang isa ka establishment agud maka proseso sang ila mga kulang nga dokumento. Kun mapaslawan, ginaserbehan pa gid sang ika duha nga notice agud maka-comply sa sulod sang 15 ka adlaw.
Matapos ang duha ka notices kag wala pa makatapos proseso ang mga natungdan nga establisimiento, papanaugan na sang siudad sang closure order.
Pagklaro naman ni Gasataya, bisan na pasirad-an na ang ila mga businesses, sarang pa liwat nga mangin operational kun makompleto na nila ang requirements para sa pag renew sang ila permits.
May multa lang sila nga bayaran, sandig sa ordinansa sang siudad.
Sang tinalikdan nga semana, may 19 ka mga baligyaan sa Lopues East nga ginpasirad-an na sang siudad.
May isa naman bar sa Barangay Villamonte ang ginpapanaogan man sang closure order sang Biyernes bangud wala pa ini maka renew sang business permit.
[sibwp_form id=1]