Sa cellphone video nga kuha ni Joemarie Maghari makita ang nagbinaliskad nga mga canopy sa motorpool sang MABB Cab sa kilid sang Bacolod City Government Center matapos agyan sang buhawi pasado las kwatro Lunes sang hapon.
Pila sa mga salakyan ang nagkapilpilan sang mga canopy.
May mga lamp post man nga nagkalabuka tuga sang mabaskog nga hangin.
Ginsiling ni City Administrator Lucille Gelvolea nga maayo lang nga natapos gilayon ang payout para sa nagbaton sang financial assistance sa malapit nga annex building sang BCGC antes naglabay ang buhawi.
Wala sang may nasamaran sa insidente.
Ginsaylo anay temporaryo ang mga government vehicles samtang ginakaayo ang mga canopy nga naguba.