Kun sang nagligad nga semana may isa ka butanding ukon whale shark nga nadeparahan sa baybayon sang Barangay Daga sa Cadiz city, sang weekend duha na ka mga butanding ang nakit-an sa Barangay Tiglawigan.
Istorya sang nagkuha sang litrato nga si John Reayan Ong Seria, isa ka gamay kag isa ka dako nga whale shark ang naghatag sang kalingawan sa mga pumuluyo.
Sa may baybayon sang Barangay Pandanan sa Sagay may nag report man nga mga residente nga naka kita sang 4-6 ka mga butanding.
May mga motor banca owners na gani kuno nga naga pabayad sang P50.00 para sa tour sa baybayon.
Ang lokal nga panguluhan sang Cadiz ang natalana nga magpatigayon sang documentation sa sini nga pagdagsa sang mga butanding.