Makakuha na sang Licensure Examination for Teachers ang mga graduates sang Bachelor of Science in Education major in Filipino kag Mathematics sang Bacolod City College subong nga tuig.
Ang mga graduates ang personal nga nagkadto sa Bacolod City Government Center agud ipahayag ang ila pag pasalamat matapos masolusyonan ang problema nga naglapaw na sang pila ka bulan kag nagapugong sa ila pagkuha sang licensure exam.
Suno sa mga graduates, ang kabudlayan nagsugod sang nagligad nga Disyembre, sang ginpahayag nga indi sila makakuha sang LET bangud sa kakulangan sang Bacolod City College sa pag-comply sa CHED Memorandum Order No. 75, s. 2017, nga nagakinahanglan sang kuwalipikado nga Program Chairperson para sa ila mga kurso.
Gilayon nga ginpatigayon sang Bacolod City Government ang tikang para masolusyonan ang isyu paagi sa bulig sang Commission on Higher Education ukon CHED – Negros Island Region.
Sang Enero 29, ginpagwa sang CHED ang Special Order nga nagahatag sang eligibility sa mga graduates para makakuha na sang LET sini nga tuig.
Bilang dugang nga bulig, ginpahayag man sang lokal nga panguluhan nga maga-provide ang siudad sang assistance para sa review sang mga graduates agud mangin mas handa sila sa ila palaabuton nga licensure examination.*
[sibwp_form id=1]