Nagdesisyon ang pamilya ni Baltazar Lamata nga ipalubong na lang nila ang iya nga butkon, tiil kag dalunggan bisan nga wala pa makita ang iban nga bahin sang iya lawas.
Suno sa kay Police Captain Glenn Montaño ang Station Commander sang Police Station 2, nagpadala na sang sulat sa ila ang pamilya sang biktima sang nagligad nga Domingo para makuha na ang mga ginpang-utod nga parte sang iya lawas.
Dugang pa ni Montaño nagapabilin sa gihapon nga blangko ang PNP sa motibo sa pagpatay sa kay Lamata bangud ang pamilya mismo sang biktima ang wala nagahatag sang nagakaigo nga impormasyon.
Gindeklarar nga missing si Lamata sang tinalikdan nga Pebrero 27 matapos nga ini ang wala na nakapauli sa iya nga pamilya.
Isa ka semana matapos na missing may ginpang bilin nga parte sang lawas sang tawo sa gwa sang NBI kag sang ulihi natukiban nga iya ni Lamata.