Masobra sa katunga ang gin nubo sa passenger travel sang probinsya sa karon.
Ini isa sa mga tikang nga ginpatuman sang Negros Occidental agudto mapabakod ang border control kasunod sang pagsaka sang Covid-19 cases.
Ang flights nangin isa na lamang sa kada airline sa kada adlaw. Ang barko, 50 percent na lamang sang capacity sini ang gintugot.
Wala labot diri ang tanan nga mga pasahero nga gikan sa alert level 3 nga lugar ang ginapangayuan sang negative Rt Pcr test result.
Suno kay Provincial Adminsitrator Rayfrando Diaz natapos na ang transition period, kag wala na sa karon sang rapid antigen test nga gina patuman sa airport tigaylo ang negative Rt Pcr test result na ang ginapangayo.
Ginahaylo ang tanan nga ipaiway ang biyahe ukon pag gwa nga indi man lang importante ilabi na nga sa ano man nga tion may pagkambyo sa travel restrictions nga maga resulta sa cancellation sang mga flights.
Pero, sa tunga sini suno kay Diaz luyag sa gihapon sang probinsya nga magpadayon ang economic activities sa probinsya.