May pito ka mga tagreklamo ang nag padulong sa National Bureau of Investigation kaina sang aga para sa pormal nga pagpasaka sang reklamo batuk sa suno sa ila nag recruit sa ila nga mag invest sang kwarta.
Luyag nila nga mabawi ang nagkalain lain nga kantidad nga ila gin pa gwa sa gintanyag nga kuntani investment.
Ang isa ka manunudlo, ilakip na sa natipon niya man nga kwarta sa mga luyag mag invest, nag pa gwa sang sais milyones pesos. ang isa ka housewife gikan silay naka pa gwa sang 110,000 pesos.
Kag ang ining negosyante nga aton ihinago sa ngalan nga Chellie ang nag pa gwa sang 872,000 pesos nga kantidad nga iya man natipon sa iya nga himata nga luyag man mag invest.
Parehos nga persona ang nag recruit sa ila.
Suno kay Chellie sa iya nga bahin mas nagsalig sya kay iya man nga utod ang nag recruit sa iya.
Nagkalain lain ang tanyag – sa house wife 60 percent ang iganar sa kantidad nga iya iga invest. kag sa iya nga pag pangusisa sa nag recruit sa gold mining ang investment.
Si Chellie naman may mga gintanyag nga naka lock-in nga mga terms kag daku ang interes nga iga ganar sang iya nga kwarta.
“Kumbaga daw ulihit kami mo. Daw dira gid sa naka kuha sa amon kwarta. May ara man times two nga one time pay in. For example, 30,000 imo i pay in sa iya after 30 days maka kuha ka 60,000,” suno kay Chellie, tagreklamo.
Sa una nga mga binulan may nagakabatun pa sila, pero pag abot sang Hulyo may delay na sa ginbatun nila nga kwarta kag sang ulihi wala na gid may nabaton kag indi na ma kontak ang nag recruti sa ila.
“Ang nabalik sa amon man 133,000. Bisan capital na lang gid ya mabalik sa amon nga 796,000. Ara sa ila balay, gin block ko nila indi ko sila ma contact,” suno kay Chellie, tagreklamo.
Suno kay Atty Renoir Baldovino pamuno sang NBI sa Bacolod, nahanda na sang NBI ang pagpasaka sang kaso nga syndicated estafa.
Pero tubtob sa karon suno kay Baldovino wala pa sang may na file nga kaso bangud mismo ang mga tagreklamo ang indi maka pat od sang ila nga desisyon bangud may pila sa ila nga luyag na lamang nga mabawi ang ila nga kwarta.
“We are ready to file the first batch pa lang. Na delay kami sa filing. Kailangan kumbinsihin na mag file na tayo,” suno kay Baldovino.
Damlag pa ginsiling ni Baldovino nga indi magnubo sa 20 ang nabiktima sa amo nga investment scam.
May 34 milyones pesos ang kantidad nga ginsiling na pa gwa sa kabilugan.
Ang NBI kasubong man Securities and Exchange Commission ang nagpaandam na sa publiko nga mag halong sa investment scam. Kun luyag gid man mag invest usisaon anay ang background sang amo nga kumpanya sa natungdan nga ahensya sang gobyerno.