Mga kabarangayan ginmanduan nga magbulig sa pagkolekta sang basura agud masolusyunan ang backlog epekto sang pagbaha sa siudad.
Balik na sa normal ang biyahe sang mga dump trucks sang IPM pakadto sa sanitary landfill sa Barangay Felisa makaligad man sang pagbaha sa alagyan tuga sang Bagyo Egay.
Pero ginatinguhaan karon sang private garbage collector nga maubos ang backlog sang basura makaligad ang baha.
Nagmando naman si Mayor Albee Benitez sa mga kabarangayan nga magbulig agud mahakot ang tanan nga basura ilabi na sa mga lugar nga indi sarang masudlan sang mga dumptrucks sang IPM.
Ang IPM ang nagdugang na sang 6 ka mga dumptrucks para maubos ang backlog sang halakuton nga basura matapos ang pagbaha sa siudad.