Kasubong sang mga incumbent elected public officials pwede gihapon makapadayon sa ila pagserbisyo bisan ang mga barangay officials nga nag-file man sang ila certificate of candidacy para sa 2025 elections.
Ginsiling ni DILG – Bacolod Head Christian Nagaynay, indi pwede nga maapektuhan ang pagpalab-ot sang serbisyo sang mga elected officials sa pumuluyo.
Pero sa gihapon ginakinahanglan nila magsunod sa mga pagsulundan sang COMELEC sa tion nga magsugod na ang campaign period.
Ang mga appointed government officials kag employees ang gina kabig resigned na sa trabaho sa tion nga mag-file sang ila COC.
Pero antes pa nagsugod ang filing sang COC nag-pa gwa sang Temporary Restraining Order ang Supreme Court angut sa pagsulundan sang COMELEC nga nagahatag pahanugot sa mga appointed public officials nga magpabilin sa position samtang nagapapapili sa partylist elections.