Nagsapul kahapon si Department of Interior and Local Government City Director Ma. Joy Maredith Madayag sa mga opisyales sang siudad sang Bacolod para ma isturyahan kun paano mapatuman sang sakto ang road clearing operations sa mga dalanon nga may madamo nga obstruction pati na ang mga vendors.
Nagtambung sa pagsinapol si Vice Mayor El Cid Familiaran kag mga tiglawas gikan sa City Legal Office, Market Monitoring Committee, PNP, Bacolod Traffic Authority Office kag iban pa.
Ila gin isturyahan kun ano pa ang mga kinahanglanon nga himuon para mahatagan sang katumanan ang mando sang DILG nga pagpanghawan sa mga dalanon.
Suno kay madayag, sini nga semana kuntani ang regional validation sang DILG pero gin idog ini sa madason nga bulan.
“Ang purpose sang meeting naton is that we will be able to inform the city road clearing team on the updates and also to strategize and how to go about the validation of road clearing operation in the barangays,” suno kay Madayag.
Nagtambung man si Madayag sa pagsinapol sang mga punong barangay sa Bacolod para ipahanumdum sa ila nga magapatigayon ang dilg sang barangay validation sumugod sa madason nga semana.
Suno kay Madayag, dapat nagasanto gid ang accomplishment report nga ginhatag sang mga barangay sa dilg sa makit-an sang inspection team sa ila paglibot sa mga barangay.
May isa pa ka barangay nga wala pa makahatag sang accomplishment report matapos ang deadline,
“Indi kita gusto nga gina drawing lang ang report ninyo bisan may inventory kamo sang illegal structures pila ang na clear, lantawon ta ina during the validation,” suno kay Madayag.
Sa ti-on sang regional validation, kun may yara sang barangay nga wala nagasanto ang accomplishment report sa on site nga inspection mahimo nga papanaugan sang show cause order ang barangay.
Sang nagligad nga tuig nakakuha sang 87 percent nga rating ang bacolod sa ginpatigayon sini nga validation sang mga road cleared barangays.