Mga kabarangayan ginmanduan nga maghimu na sang masterlist para sa natalana nga vaccination program para sa mga kabataan nga naga edad 12-17 anyos.
Sa bulig man sang pribado nga sektor mas nangin agresibo karon ang vaccination program sa bacolod para sa a1 tubtob A5 category.
Wala pa nalakip sa priority list ang mga menor de edad.
Pero kadungan man sang pag-inabot sang dugang nga supply sang bakuna, ginmanduan na sang pamunuan sang Emergency Operation Center ang mga kabarangayan nag sugdan ang paghimu sang masterlist
Para sa mga naga-edad dose anyos tubtob dise siete anyos nga luyag magpabakuna..
Target sang Bacolod nga mabakunahan ang malapit sa 425 thousand ka pumuluyo antes matapos ang tuig.
May masobra na sa 95 mil ang fully vaccinated. 157 mil naman ang nakapabakuna para sa first dose sang Covid 19 vaccine.