Mga gubaon nga public comfort rooms kag mga bathhouse sa kabarangayan plano nga mapakay-o sang siudad gamit ang nabilin sang P16M nga donasyon ni Mayor Albee Benitez.
Ang public comfort rooms nga may mga guba na sa Bacolod Public Plaza ang isa lang sa mga kalay-uhon sang City Engineer’s Office gamit ang nabilin sa P16M nga donasyon sang alkalde.
Suno kay City Engineer-OIC Engr. Loben Ceballos, kalabanan sa mga public comfort room nga luyag sang alkalde nga mapakay-o kasubong na lamang ang sa daan nga City Hall ang may pondo na halin sa loan agreement.
Gani plano karon sang siudad nga ilakip sa mga kay-uhon ang mga naguba na nga CR kag bathhouse sa mga kabarangayan.
P16M ang donasyon halin kay Mayor Albee kabaylo sang pondo nga gingamit sadto sa pagpakay-o sang Mayor’s Office.
Sa karon mga P600,000 pa lang ang nagamit sa pondo sang ginpakay-o ang comfort rooms sang LGU booth sa Panaad Park and stadium.