Kagab-i pa nag abot ang balota suno kay Acting Elections Supervisor Roberto Salazar nga nagsiling man nga sa karon padayon ang sorting kag segregation sang mga balota sa Negros Food Terminal.
Ini sa pagpasiguro nga mapadala ang eksakto nga mga balota sa mga kabanwahanan kag siudad.
Sini man nga semana iga deliver ang mga balota kun sa diin ini ang pagabatunon kag iga custody sang tagsa ka municipal kag city treasurer.
Ang PNP kag militar ang naga secure sang mga balota.
Mismo sa adlaw na sang eleksyon ang actual counting sang ballots suno kay Salazar.
Sa May 7 naman ang testing and sealing sang mga vote counting machines. May masobra sa 1.9 million ang bumuloto sa Negros Occidental lakip na ang Bacolod City.