Shadow

Mga baligyaan sang ukay-ukay sa plaza ginapangitaan sang masayluhan

Mga baligyaan ukay-ukay sa palibot sang Bacolod Public plaza ginapangitaan sang lugar nga mabalhinan.

Halos nalikop na sang baligyaan sang ukay-ukay kag mga rtw ang palibot sang Bacolod Public Plaza.

Bagay nga wala man nauyunan ni Councilor Celia Flor bisan gintugutan na ini sang siudad tubtob Enero 6.

Suno kay Flor nga pamuno sang Committee on Markets and Slaughterhouse sang konseho, nalaksam na sang baligyaan sang ukay-ukay pati ang gintalana nga area para sa mga baligyaan sang prutas kun Disyembre sa Dalan Gonzaga.

Gani plano niya upod sa Local Market Committee nga mapangitaan sang lugar nga masaylohan ang pila ka mga baligyaan sang ukay-ukay.

Ginpasalig man karon sang konsehal nga ma-monitor ang mga baligyaan sa palibot sang plaza agud masiguro nga naka-plastar sang maayo ang mga baligyaan kag indi ini maka-apekto sa lakat sang trapiko.

Secured By miniOrangeSecured By miniOrange