Ginahaylo sang Bureau of Internal Revenue nga makaparehistro sa ila ang mga baligyaan kag establisimiento sa bug-os nga Pilipinas.
Ini ang kabahin sang ginlunsar nga nation-wide tax mapping ukon Counsel, Help, Assist, Taxpayers program sang BIR subong nga adlaw.
Kaina sang aga, una nga ginkadtuan sang BIR ang mga baligyaan sa Sum-Ag Public Market sa siudad sang Bacolod nga may yara sang masobra sa 100 ka mga vendors.
Ginsiling ni Christine Juliet Chua, Regional Director sang Revenue Region 12-NIR nga ang katuyuan sang amo nga programa ang pagpasanyog sang ihibalo sang mga vendors sang mga benepisyo nga makuha nila kon naka rehistro sila sa BIR.
Una nga na mapping si Sally Aroz, Presidente sang Sum-ag Market Vendors. Ginsiling sini nga wala sila nagparehistro bangud wala man ini sa mandato sang ila barangay.
Apang matapos siya nga na naistorya sang BIR, nahangpan niya nga mas maayo na nga mag comply sila para mas mangin legal nagid ang ila nga baligyaan.
Lakip sa mga common findings amo ang failure to register kag failure to keep and make entries of the books of accounts.
Ginklaro ni Chua nga indi man nila pagmultahan ang kutob sa mga wala na rehistro, pero gina-educate kag ginahaylo lamang nila ini nga mag comply sa BIR para sa mga legalidad.*
[sibwp_form id=1]