Gin-aprobahan na sang Bacolod City Council ang special permit nga ginapangayo sang 31 ka mga vendors nga may mga baligyaan sa kilid sang dalan sa Barangay Alijis.
Paagi sa permit, ginatugutan ang mga vendors nga magtinir sa amo nga lugar sa sulod sang tatlo ka bulan.
Ginsiling ni Retired Police Colonel Levy Pangue, pamuno sang City Legal Office Enforcement Team, gin-aprobahan ang amo nga permit bangud naga-ayo ang mga vendors bangud may ginapaabot pa ang mga ini nga festivals lakip na ang 30th Panaad sa Negros Festival.
Suno sa ila, yawat pa ang amo nga mga selebrasyon agud makabulig sa ila nga makabenta antes sila maghalin sa ila pwesto.
Wala man sang pampubliko nga merkado ang Barangay Alijis.
Una na nga ginahaylo sang siudad ang tagpamunuan sang amo nga barangay nga magpangita sang isa ka lugar nga pagatindugan sang mga baligyaan kag himuon nga public market. Ini bangud ang sa karon nga ginatindugan sang mga manugbaligya, isa ka right of way.
Sa karon, nagahanda na ang siudad agud mapahagan-hagan ang traffic sa mga alagyan pasulod sa Panaad Park and Stadium.
“Gindagdagan na sila notice regarding sa ila nga ano, kay indi maka-clearing operations ang DPWH kay indi makalabay ang ila nga big machine na”, suno kay Pangue.
[sibwp_form id=1]