Trangkaso, dengue kag leptospirosis kabahin sa mga balatian nga ginabantayan sang City Health Office bangud sarang magsaka karon nga tig-ululan.
Humalin Enero tubtob Agosto naglab-ot sa 159 ang dengue cases sa Bacolod.
May pagnubo ini nga 36 porsyiento kun ikumparar sa 250 ka kaso sang dengue sang amo nga period sang nagligad nga tuig.
Suno kay Dr. Edwin Miraflor, officer in charge sang Bacolod City Health Office, posible pa nga magsaka ang kaso sang dengue kag kasubong man ang kaso sang leptospirosis karon nga naga-inulan resulta man nga nagaluntad ang pagbaha sa pila ka mga kabarangayan.
Balantayan man suno kay Miraflor ang mga balatian kasubong sang trangkaso kag gastro intestinal disease ukon mga sakit sa tiyan.
Gani karon nga pandemic padayon ang pangabay sang pamuno sang Health Office sa publiko nga maghalong, ipasiguro ang matinlo nga palibot kag pabaskuron ang immune system agud makalikaw sa mga balatian karon nga tig-ululan.