Bitbit ang search warrant sa paglapas sang laye tuhoy sa possession sang firearms, nagpadulong ang kapulisan sa balay sang anay kapitan sa Hacienda Buenos Aires, Barangay Consing sa banwa sang EB Magalona, Martes sang hapon.
Gindakop sang katapo sang EB Magalona PNP si alyas “Patong”, 47-anyos, bana sang anay kapitan sang Brgy. Consing kag alyas “Ron”, isa ka barangay tanod.
Base sa police report, nakabaton sang impormasyon gikan sa mga residente ang kapulisan nga gin-alegar nagapalupok sang pusil si alyas “Patong” kag iya gina-gamit bilang personal nga security ang tanod, nga iya ginhatagan sang indi lisensyado nga pusil.
Matapos ma-verify ang impormasyon paagi sa surveillance, ila nahibaluan nga wala sang rehistrado nga pusil sa ngalan ni alyas “Patong”, gani sila ang nag-apply sang search warrant sa Korte.
Narekober ang duha ka 12-gauge shotgun; isa ka caliber .45; isa ka 9mm; mga magazine, mga bala, kag isa ka granada nga may pin.*