Domingo sang nag-inabot ang 72 ka mga Badjao sa Bacolod nga ginpabalik ni Iloilo City Mayor Jerry Treñas.
Pero suno kay Sally Abelarde, ang pamuno sang DSSD sa Bacolod, 15 lang sa mga yara lista sa 80 ka mga Badjao nga ginpasakay sang DSSD-Anti Mendicancy Team pakadto Dumangas port sang nagligad nga Miyerkules ang nakabalik kag tigayon man nga nadul- ong sa Zamboanga upod sa iban pa nga indigenous people nga halin sa Iloilo.
Gin-updan mismo sang katapo sang Anti Mendicancy Team ang mga Badjao halin sa Youth Home sa Barangay Vista Alegre kun diin sila temporaryo nagtinir asta sa Zamboanga agud masiguro nga sila ang makapauli balik sa ila ginhalinan.
Ang mga Badjao ang ginsikop sang siudad bangud sang reklamo sang mga motorista nga sila ang nagapangalimos kag naga-istambay sa mga commercial establishment sa siudad.
Magluwas sa 72 ka mga Badjao may dugang nga 24 pa ka sa ila mga kaupdanan ang nasikop sa Barangay Sum-ag kag natalana man nga papulion sa Zamboanga.
Ginpaidalom naman sa re-orientation ang katapo sang Anti-Mendicancy Team angut sa proseso sa pagtatap sang mga Badjao agud mapaiway ang miscoordination resulta nga nakalab-ot pa ang mga Badjao sa Iloilo City antes nakapauli.
Bangud sang amo nga insidente, naglab-ot pa sa punto nga gindeklarar ni Mayor Jerry Treñas si Acting City Mayor El Cid Familiaran nga persona non grata bangud wala maka coordnate ang DSSD sa ila nga siudad.