Na recover sang kapulisan sang Negros Occidental Police Provincial Mobile Force Company ang mga armas kag granada sa Sitio Saksak, Brgy Carabalan, Siudad sang Himamaylan matapos ang encounter nga nagluntad sa tunga sang katapo sang Philippine Army kag New People’s Army sang Sabado nga adlaw.
Nakuha sang mga kapulisan ang homemade shotgun, hand grenade mga medical kit kag mga personal nga mga pagkabutang. Ang mga nasambit nga recoveries ang ginsiling, ginbilin sang NPA samtang nagapalagyo.
Sunod-sunod nga engkwentro ang nagluntad sa Brgy Carabalan sa tunga sang 94IB kag NPA. Tubtob karon wala pa makilala ang napatay nga gina alegar katapo man sang NPA.