Narekober sang mga otoridad ang mga ginpanglubong nga mga armas-luthang, bala kag
ginasuspetsuhan eksplosibo sa compound sang sugar mill nga ginapanag-iyahan ni anay Negros Oriental Governor Pryde Henry Teves sa banwa sang Sta. Catalina, Negros Oriental.
Suno kay Criminal Investigation and Detection Group legal officer Col. Thomas Valmonte, ginkutkot sang mga operatiba ang bakante nga lote sa sulod sang 50-hektarya nga compound ni Teves.
Ginlubong ang mga kontrabando sa kadalumon nga napulo ka tapak.
Nakuha diri ang ginatos ka mga wala naglupok nga bala, nagkalain-lain nga cartridges, naglupok nga slugs kag tatlo ka mga improvised explosive devices.
Bangud may explosives pagatun-an sang otoridad kun may kaangtanan ini sa terrorist activities.
Suno pa kay Valmonte, may upod sila nga saksi sa pagpatigayon sang operation nga upod man sang ginlubong ang mga armas.
Dugang pa ni Valmonte, mahimo nabatyagan na sang mga tag-iya nga patigayunon ang raid sa amo nga compound rasun nga ginlubong ang mga armas.
Sang Biernes sang ginpatigayon ang
raid sa compound ni Teves kag narekober ang mga matag-as nga kalibre sang armas kag 18 milyones pesos nga cash.