Mga aplikante nga nagakuha sang drivers license ginapaandaman batuk sa mga online fixers nga sarang magpamentaha.
Nakalab-ot na sa atensyon sang pamunuan sang LTO Bacolod licensing center ang mga ginatanyag nga libre nga student permit online para sa mga nagakuha sang drivers licenses.
Ginpahayag ni Licensing Center Chief Joseph Danoy nga ang ahensya ang wala nag aha tag accreditation sa mga ginakabig online fixers.
Ini bangud magluwas sa LTO office, ang mga satellite offices lamang ang pwede maka-proseso kag maka- issue sang permits kag licenses.
Gani paandam niya sa mga aplikante nga likawan ang mag-transaksyon online ukon sa sin-o man nga fixers agud indi mabiktima sang pagpaniplang.
Sa nagakabaton nga impormasyon sang LTO nagalab-ot sa masobra P12,000 ang ginasukot sang mga fixers nga halos doble sang kabilugan nga fees kun mag-agi lamang sa proseso ang aplikante.