Pila na lang ka adlaw kag maga sukat na sa apat ka bulan ang pag tenir sa mga evacuation center sang mga pumuluyo nga apektado sang paglupok sang bulkan Kanlaon.
Tubtob sa karon dala sang activities sang bulkan indi sa gihapon mapat-od kun san-o gid makabalik sa ila nga mga puluy-an ang mga apektado nga pumuluyo.
Padayon ang paghatag sang bulig sa mga apektado.
Suno kay Governor Eugenio Jose Lacson, kun maubos na nila gamit ang 50million pesos nga pondo sang Malacanang, mahimo nga gamiton na sang probinsya ang Quick Response Fund Budget sang 2025.
Nagamit naman sang probinsya ang gikan sa QRF sang 2024.
Samtang, sini lamang nag pahanumdom ang Office of the Civil Defense sang istrikto nga pag patuman sang border control sakop sa danger zone sang bulkan.
Ginsiling ni OCD Negros Island Region Director Donato Sermeno, III, nga ipaiway ang pagsulod sa danger zone kun indi man lang importante.
Damlag pa nag hatag sang window ukon mga oras ang OCD sa mga mangunguma agudto sila ang tigayon man maka atender sa ila nga mga pananum.
Ginasulit sang OCD ang pahanumdom agudto maghalong ang tanan.
Sini nga adlaw may apat ka mga pagbuga nga na record sa bulkan nga naglawig gikan sa 17 to 85 minutes.
Naglab-ot sa 200 tubtob 400 meters sa babaw sang crater ang natuga nga grayish plumes.