Mga ambulant vendors sa Bacolod Economic Highway handa nga tagaan atensyon sang siudad kun opisyal na mabuksan ang dalan.
Nangin atraksyon karon ang mga ambulant vendors sa kilid sang Bacolod Economic Highway nga ginakadtuan sang mga bumalakal sa Barangay Cabug ilabi na kun gab-i.
Wala pa sang nakita nga problema si Mayor Albee Benitez bahin sa ila pag-operate sa lugar samtang wala pa opisyal nga nabuksan sang DPWH ang alagyan.
Pero nakahanda siya nga tagaan ini atensyon kun may yara sang mga reklamo.
Indi malipod nga masami ginagamit nga parkingan ang kilid sang dalan kag nagalaksam na sang alagyan ang mga vendors.
Sa Agosto 14 magasapol ang katapo sang Local Market Committee upod sa mga ambulant vendors sa tuyo nga ma-regulate ang ila pagbaligya sa lugar.