Gin patigayon Lunes sang aga ang pagkilala sa nagkalain-lain nga mga ahensya kag indibidwal nga nagbulig sa pagpabilin sang kalinong kag seguridad sa MassKara Festival 2025.
Sa culmination activity kaina sa Bacolod City Government Center, ginpasalamatan ni Mayor Greg Gasataya ang PNP, AFP, BFP, Coast Guard, Bacolod Traffic, CDRRMO kag iban pa gid nga mga grupo kag ahensya, sa ila nga pagpangabudlay, pagsulay sa ulan kag init para lang mapatuman ang kalinong sa tiun sang selebrasyon nga nag sugod sang Oktubre 1 tubtob 19.
Sa bug-os nga MassKara Festival 2025 celebration wala sang may na report nga major untoward incident.