Isa ka special screening para sa pelikula nga Magikland ang ginpatigayon sang kagabi sa SM City Bacolod.
Pagkatapos sang pelikula ang mga una nga naka saksi sini napa bilib sa visual effects.
Ang mga suod nga abyan kag pamilya sang nagtaliwan nga Negrense director nga si Peque Gallaga ang nangin emosyonal…wala man lang niya makita ang finished product sang pelikula nga iya gin co produce.
Tanan naga siling nga bugal sang Negros ang pelikula bangud masaksihan diri ang kultura sang mga Negrense kag ang mga tawo sa likod sa paghimo sang sini nga pelikula kadam-an mga negrosanon man.
Ang Magikland ang isa sa mga entry sa Metro Manila Film Festival kag magwa sa mga sinehan kag online platform sumugod December 25.
Masobra sa 150 milyones pesos ang gingasto para sa pelikula ilabi na sa state of the art visual effects. Duha ka tuig ini nga gin utihan.
Sa ending sang pelikula, nag hatag sang iya nga final bow ang award winning director nga si Gallaga nga isa sa mga producer sang sini nga pelikula.