Mga 5,000 ka posible illegal connection ang natukiban sa gin patigayon nga meter survey sa mga CENECO consumers.
Ini suno kay Roel Castro nga presidente sang More Power Corporation angut sa ginsugdan nga meter survey sa mga 178,000 ka CENECO consumers.
Suno kay Castro understated ukon naga paabot pa gid siya nga magasaka ini. 80,000 naman ang natukiban nila nga wala sang seal.
May 220,000 ka CENECO consumers kag gina lauman nila nga mahuman ang meter survey sa katapusan sang bulan.
Upod man ang personnel sang CENECO sang ginsakdag ang survey.
Suno kay Castro isa sa mga tikang nga ipatuman amo ang paghaylo sa mga natungdan nga mag apply.
Indi man nagakaigo nga ang mga nagabayad nga konsumedor sang CENECO ang maga abaga sang kapierdehan tuga sang kasubong nga mga illegal connection.
Sa karon ang losses sang CENECO yara sa 12 percent, ang cap ukon ang maximum nga ginatugot yara lamang sa 8 percent.
“Hindi pa naman kami nag survey ng illegal, pero in the process of doing the survey in the 178,000, we already found out there are about 5,000 – 6,000 illegal connections”, suno kay Castro.
“Kun maghambal ka nga Negros alone nga generation, sa gab-i ginakulang gid ta. That’s the reason why we need the power from the other islands. Nagakuha ta power sa other islands that’s the reason why ang bag-o naton nga linya ang Cebu-Negros-Panay is to increase the power capacity, wala labot madul-ong ta sa Negros it extends up to Panay”, suno kay Malleza.
Sa karon suno sa DOE may 155.6 MW para sa Negros gikan sa mga committed power projects humalin 2024 tubtob sa 2026 lakip na ang iga-determine pa. Suno naman kay Carbon, agudto nga mangin estable ang power supply sang Negros sa masunod nga duha ka tuig, kuntani may mga 335 megawatts nga on island power source ang isla. Sa ini nga pamaagi kun mag deperensya ang linya gikan sa iban nga probinsya may nagakaigo nga supply ang Negros.