May dos sientos ka mga empleyado sang Kapitolyo Probinsyal ang natalana nga bakunahan bwas nga adlaw sa Barangay Kapitolyo Vaccination Program.
Sa Negros Residences patigayon ang pagbakuna nga magasugod las 8 sang aga. Plastado na ang tanan suno kay Atty Rayfrando Diaz, provincial administrator nga nagalakip sang pagsulod tubtob sa pag gwa sang mga bakunahan.
Voluntary ang pagpaidalom sa bakuna pero labing ginahaylo ang mga empleyado nga magpaidalom sa amo nga tikang. Suno kay Diaz target nila nga maka angkon sang safety sa work place ilabi na nga naga ka apektuhan ang trabaho kun may naga positibo sa Covid-19.
May mga gina isolate pa for observation. Ginatinguhaan sang probinsya nga tayuyon nga makahatag sang serbisyo, amo nga nalakip diri ang pag install sang information and technology equipment sa mga healing centers nga bisan naka quarantine tigayon nga maka tambong sa online nga mga hilikuton ang mga naka quarantine.