Patay ang 15 anyos nga si John Ray Cabalhin matapos matumbahan sang truck nga gina maneho sang iya amay kag malubong pa sang balas nga karga sang truck.
Suno kay Police Captain John Christopher Masangkay, hepe sang Police Station 5, samtang naga dalagan sa bahin sang Granada-Alangilan road, hinali na lang nag malfunction ang brake sang truck
gani gin mando sang amay nga si Bobby sa iya anak nga mag lumpat.
Naka lumpat man ang menor de edad suno kay Masangkay ugaling iya man gin sunod ang truck kag sang matumba sa gutter sa kilid sang dalan, siya ang napilpilan.
Magluwas matumbahan sang truck, naula pa ang balas kag nalubong ang anak suno sa pulis.
Malapit isa ka oras pa antes siya nakuha suno kay masangkay kag patay na sang mag abot ini sa ospital.