Pilason ang isa ka menor de edad matapos ini gin buno sang tag iya sang manok nga gina alegar ginkawat sang 17 anyos nga biktima sa Barangay Caradio-An sa Himamaylan sang Domingo.
Sa imbestigasyon sang PNP, nakita sang tag iya sang manok nga si Regie Cestino nga gin sulod sang menor de edad sa iya sini nga bag ang duha ka inug bulang nga manok gani iya ini nga gin lagas.
Nalab-ot ni Celestino ang menor de edad kag posible dala sang kaakig, suno sa pulis iya nga ginbuno ang menor de edad.
Nakapalagyo pa ang menor de edad pero tigayon nga na corner sang mga pumuluyo.
Gilayon man gindala sa ospital ang menor de edad agud mabulong.
May settlement agreement na sa magtimbang nga bahin, indi magpasaka sang reklamo ang tag iya sang manokan nga ginkawatan amo man ang kawatan nga nabun-an.