Patay ang mag-utod nga lunsay mga menor de edad matapos nalumos sa suba sa Kilometrahe 109 sa Brgy Dancalan banwa sang Ilog Lunes sang hapon.
Naligo ang mga biktima sa suba nga yara sa likod sang balay sang ila nga tiya kun sa diin sila nagbisita kaupod ang ila sini nga amay.
Suno sa tiya nakita pa man niya ang nagapaligo niya nga mga hinablos kag nakibot na laman sila nga ang duha ang nadula.
Ila ginpangita ang mga bata kag sang ginsalom ang kawa-kawa nga parte sang suba nakita ang bangkay sang mag-utod.
Ginhingagaw pa sila dala sa ospital sa siudad sang Kabankalan apang gindeklarar nga dead on arrival.