Land Transportation Franchising and Regulatory Board 6 magahulat sang memorandum circular antes suguran ang pag baton sang application para sa extension sang provisional authority sang nagabyahe nga traditional jeepney sa Bacolod City.
Sa pagsinapol sang opisyales sang siudad kag LTFRB 6 kahapon nagpasalig ang ahensya nga tumanon nila ang paghatag extension sa provisional authority sang mga traditional jeepney.
Suno kay City Administrator Pacifico Maghari, III, naghatag sang commitment ang tiglawas sang LTFRB 6 nga kun mabaton na ang memorandum circular halin sa ila main office magasugod man sila baton sang application halin sa mga traditional jeepney operators agud ma extend ang ila pagbyahe tubtob Disyembre 2023.
Damlag pa nagpabutyag sang pagkabalaka ang pamunuan sang United Negros Drivers and Operators Center ukon UNDOC bangud malapit na lang mag expire ang kadam-an sa ila nga mga franchises sini nga bulan sang Marso.
Nagalaum si Diego Malacad, secretary general sang UNDOC, nga matagaan sila sang kahigayunan nga makabyahe asta Disyembre samtang wala pa man malab-ot ang target nga 1,099 modernized jeepney nga nagabiyahe sa siudad.