Apesar nga yara pa sa ospital, gin pasaka na sang kahapon sang kapulisan ang kaso nga violation sang Section 5 kag Section 12 sang RA 9165 batuk sa kay Xaver Rosales nga gina alegar miyembro sang Divinagracia drug group.
Si Rosales ang pilason kag padayon nga gina bulong sa ospital matapos gina alegar mag bato sa kapulisan sang siya kag ang iya upod ang gin subject sa buybust operation sang Lunes.
Ang upod ni Rosales nga si Hilda Rogelio ang napatay naman sa natabo nga shootout.
Nakuha nanday Rosales kag sang iya napatay nga upod ang iligal nga droga nga naga balor sa dos punto singko milyones pesos.
Si Rosales ang kilala bilang si Alyas Boss kag siya amo man ang gina alegar nga si Alyas Bro nga gin tumod sadto sang suspek sa massacre sa Barangay Tangub.